ذرا فون تو ملائو۔فون تو صبح سے ڈیڈ پڑا ہے۔اچھا لائٹ ہی جلا دو۔لوڈ شیڈنگ کا ٹائم ہے۔چلو چائے پیتے ہیں۔گیس بھی نہیں آ رہی۔شرم کرنی چاہیے۔وہ بھی نہیں آ رہی۔تو پھر آ کیا رہا ہے؟اگلا سال آ رہا ہے؟گھبرائو مت اگلا سال بھی پچھلے سالوں جیسا ہی ہو گا۔تمہارے منہ میں خاک۔خاک بھی خالص نہیں ملتی۔ ٭٭٭٭وہ کون ہے؟ گورا سا گھنگھریالے بالوں والا جس کی توند نکلی ہوئی ہے، ماتھے پر محراب بھی ہے۔حیرت ہے تم نہیں جانتے، بہت پہنچا ہوا راشی افسر ہے۔اور وہ جس نے وگ لگائی ہوئی ہے اور وحشیوں کی طرح کھائے جا رہا ہے۔اچھا وہ گرے سوٹ والا۔ اس کی تو ’’بار‘‘ کا ماہانہ خرچ ہی لاکھوں میں ہے۔کرتا کیا ہے؟کنٹریکٹر ہے، ٹھیکے داری کرتا ہے۔کیا چاند ستارے سپلائی کرتا ہے؟ہاں ’’چاند‘‘ ’’ستاروں‘‘ کا بھی ٹھیکے دار ہے (ہنستے ہوئے) ٭٭٭٭ اور وہ عورت کون ہے؟ وہ کالی ساڑھی والی جس پر گولڈ سی پٹی ہے۔تم نے غور نہیں کیا۔کس بات پر؟اس کے سینڈل کی ایڑی 18کیرٹ گولڈ کی ہے۔لیکن یہ ہے کون؟اک سوشل بٹر فلائی جس کی پارٹیز کی دھوم ہے جہاں بڑے بڑے پارسا بھی ہاتھ باندھے پھرتے ہیں۔٭٭٭٭کچھ سنا تم نے؟کیاایوان بالا میں بھی بجلی غائب ہو گئی۔واہ کیا حکمت عملی ہے۔اس میں حکمت عملی کہاں سے آ گئی۔تمہیں سمجھ نہیں آئے گی۔تم کوشش تو کرو سمجھانے کی۔رہنے دو۔پلیز! مجھے ایجو کیٹ کرو۔یہ حکومت کا گوریلا ایکشن ہے۔ ہر طرف اندھیرا کر کے، اندھیر مچا کر خوشحالی کو اس طرح گھیریں گے جیسے سیاستدان ووٹر گھیرتا ہے۔ ٭٭٭٭اور وہ ٹوپی والے، با ریش نورانی چہرے والے جو آہستہ آہستہ ’’سِپ‘‘ کر رہے ہیں۔تم انہیں بھی نہیں جانتے، اکثر ٹی وی چینلز پر ہوتے ہیں۔عالم دین بھی ہیں، عالم دنیا بھی۔ ٭٭٭٭اور وہ جس نے ڈائمنڈ جڑا سونے کا بریسلٹ پہنا ہوا ہے، گلے میں بھی سونے کی زنجیر عدل پہنی ہوئی ہے۔یہ شہر کے سب سے بڑے قبضہ گروپ کا سرپرست ہے۔ کئی سیاستدان اس کے پے رول پر ہی سمجھو۔سلمان عالیشان کے بعد یہ دوسری شخصیت ہے جس کے بارے لوگ کہتے ہیں کہ جس زمین پر پائوں رکھ دے، وہ اس کی ہو جاتی ہے۔ یہ کسی کو انکار نہیں کرتا اور کوئی اس کو انکار نہیں کرتا۔٭٭٭٭اور وہ دیکھو بریکنگ نیوز .... اربوں روپے کی منشیات پکڑی گئیں۔مجرم بھی پکڑا گیا یا نہیں؟بالکل پکڑے گئے....تینوں ٹرکوں کے ڈرائیورہونہہ! یہ تو ایسا ہی ہے جیسے آلہ قتل پکڑے جانے پر پولیس کہے کہ قاتل پکڑا گیا ہے۔ ٭٭٭٭میٹرک فرسٹ ڈویژن ۔ یس سر۔ ایف اے میں ٹاپ کیا۔جی سر۔بی اے میں گولڈ میڈل۔خدا کے فضل سے۔بہت خوب اور ایم اے بھی فرسٹ کلاس فرسٹ۔آف کورس سر۔ ویری ویل ڈن....بہت اچھا ریکارڈ ہے تمہارا۔تھینک یو سر۔اچھا یہ بتائیں سلطان ٹیپو کب شہید ہوئے تھے؟سر! 65کی جنگ میںہوں ں ں ں.....قومی ترانہ کس نے لکھا؟علامہ اقبال نے۔جان میجر کون تھا؟انگلینڈ کی فوج کا نامور افسر جو اب بریگیڈیئر ہو چکا ہے۔پاکستان کے پہلے وزیراعظم کون تھے۔قائداعظم۔قومی ترانے کا پہلا مصرعہ سنائیں۔’’سوہنی دھرتی اللہ رکھے قدم قدم آباد تجھے‘‘(کالم نگار کے نام کیساتھ ایس ایم ایس اور واٹس ایپ رائے دیں 00923004647998) 

سپر پاور کا صدر بھی نیویارک میں پی آئی اے کا روز ویلٹ ہوٹل خریدنا چاہتا ہے تاکہ جمہوریت کے استحکام میں اپنا حصہ ڈال سکے۔نوٹ خرچ کرکے ووٹ کو عزت دینے کا دنیا میں اک اپنا ہی مقام ہے، جمہوریت بہترین انتقام ہے اور بقول شخصے جمہوریت ہی بہترین نظام ہے لیکن کتنا حسین اتفاق ہے کہ پہاڑوں سے اونچا، سمندروں سے گہرا، شہد سے میٹھا اور فولاد سے مضبوط ’’غیر جمہوری ‘‘چین سونامی کی طرح گلوبلی سیاست پر چھاتا چلا جا رہا ہے۔ ایک طرف سب سے بڑی جمہوریت ہندوستان کو ’’غیر جمہوری ‘‘ چین نے ناکوں چنے چبوا دیئے تو دوسری طرف وہ جمہوری سپر پاور کو بھی آنکھیں دکھا رہا ہے ۔ چین پر نئی امریکن پابندیوں کے جواب میں اس نے غیر جمہوری اعتماد سے کہا ہے ....’’امریکہ نے فیصلہ واپس نہ لیا تو بھرپور جواب ملے گا‘‘ ۔ مجھے سمجھ نہیں آتی کہ کس احساس کمتری کے باعث ہم اس بے فیض، بے ثمر بے حیا جمہوریت کی بغل میں گھسے گھیسیاں کر رہے ہیں ۔ اللہ پاک اس کرہ ارض پر رحم فرمائے جس کے ’’تاجر سیاستدانوں‘‘ یا ’’سیاستدان تاجروں ‘‘ نے جیتے جاگتے انسانوں کو ’’منڈی کا مال‘‘ یا ’’مال مویشی ‘‘ سمجھ رکھا ہے ۔آج نہیں تو کل، انسانیت کو جمہوری قربان گاہوں سے نجات کیلئے کوئی اور راستہ ڈھونڈنا ہوگا۔تازہ ترین یہ کہ معزز امریکی عدالت نے امریکن صدر کی بھتیجی میری ٹرمپ کو اپنے ’’چاچو‘‘ کے بارے دلچسپ انکشافات پر مشتمل کتاب کے بارے میں گفتگو کرنے اور اسے شائع کرنے کی اجازت دے دی ہے۔ یہاں ’’جمہوریئے‘‘ چاہیں تو یہ کہتے ہوئے ’’جشن جمہوریت‘‘ بھی منا سکتے ہیں کہ یہ عدالتی اجازت بھی جمہوریت کا ہی اعجاز اور اعزاز ہے تو مجھ جیسا ’’جمہوریت دشمن‘‘ یہ پوچھنے میں حق بجانب ہوگا کہ ایسی کتاب کی نوبت ہی کیوں آئی؟اک ایسا آدمی کیسے آیا، دیکھا اور چھا گیا جس کے بارے بھتیجی ایسے ایسے انکشافات کر رہی ہے کہ بندہ توبہ توبہ کر اٹھے۔یاد رہے کہ ٹرمپ خاندان نے اس کتاب کی اشاعت روکنے کیلئے مقدمہ دائر کیا ہوا تھا ۔یہ بھی یاد رہے کہ بھتیجی اپنے ’’چاچو‘‘بارے لکھتی ہے کہ کس طرح میرے خاندان نے دنیا کے سب سے خطرناک انسان کو پیدا کیا۔میری ٹرمپ نے ’’چاچو‘‘ کو ایک دھوکے باز اور بدمعاش قرار دیا ہے ۔واشنگٹن پوسٹ کی ایک رپورٹ کے مطابق ریاستی عدالت کے معزز جج نے پبلشرز کو کتاب کی اشاعت کے حق کی توثیق کر دی ہے جبکہ وائٹ ہائوس نے کتاب میں کئے گئے دعوئوں کو پہلے ہی مسترد کر دیا تھا تاہم کتاب کے کچھ اقتباسات امریکی میڈیا میں لیک ہو چکے ہیں یا لیک کئے جا چکے ہیں ۔55سالہ بھتیجی میری ٹرمپ کے خلاف کتاب کی اشاعت رکوانے کی کوشش میں صدر ڈونلڈ ٹرمپ کے بھائی رابرٹ ٹرمپ نے مقدمہ دائر کرتے ہوئے پٹیشن میں کہا تھا کہ میری ٹرمپ نے وراثت کے معاملہ میں دو دہائی قبل رازداری کے معاہدہ کی خلاف ورزی کی ہے جبکہ میری ٹرمپ کا کہنا ہے کہ آئندہ چند روز میں امریکہ کے عوام ان کے اہم الفاظ پڑھ سکیں گے ۔میری ٹرمپ نے بتایا کہ کس طرح انہوں نے ’’نیویارک ٹائمز‘‘ کو ٹیکس دستاویزات فراہم کیں جس نے حال صدر امریکہ ڈونلڈ ٹرمپ کی 1990ء میں مشتبہ ٹیکس سکیم سے متعلق 140ہزار الفاظ پر مشتمل تحقیقاتی مضمون شائع کیا۔میری ٹرمپ نے لکھا کہ ان سے صحافیوں نے 2019ء میں ان کے گھر پر رابطہ کیا اور ابتدا میں وہ ان صحافیوں کی مدد کرنے سے گریزاں تھیں۔ میری ٹرمپ نے یہ بھی بتایا کہ نیویارک ٹائمز کے صحافیوں سے رابطہ کرنے سے قبل انہوں نے تقریباً ایک ماہ انتظار کیا اور لاء فرم سے قانونی دستاویزات کے کئی ڈبے سمگل کرنے کےبعد انہیں صحافیوں کو فراہم کیا اور اس لمحہ کو ایک ایسا یادگار لمحہ قرار دیا جس پر کئی مہینوں بعد انہیں بے پناہ خوشی محسوس ہوئی۔قارئین !آئیے اک’’جمہوری‘‘ سپرپاور کے جمہوری صدر بارے ان کی سگی بھتیجی کی لکھی گئی اس ہوشربا کتاب کا انتظار کریں ۔میں نہیں جانتا کہ شری نریندر مودی کی بھی کوئی بھتیجی یا بھانجی صاحبہ ہیں یا نہیں لیکن مجھے یقین ہے کہ خود ’’تاریخ‘‘ان کی بھتیجی یا بھانجی کا کردار ادا کرے گی اور بتائے گی کہ سپرپاور جمہوریت کا صدر اور سب سے بڑی جمہوریت کا وزیر اعظم کیسا تھا اور یہ اپنے اپنے عوام کو کیسے ’’جمہوری ماموں‘‘ بنا گئے ۔ویسے تو اس کی بھی کوئی خاص ضرورت نہیں کیونکہ ہمارے لئے خود اپنے جمہوری گریبانوں میں جھانکنا ہی کافی ہوگا۔پاکستان کی دوبڑی اور مقبول ترین جمہوری سیاسی پارٹیوں کا زیر تکمیل پوسٹ مارٹم ہمارے سامنے ہے اور اس پوسٹ مارٹم کے ساتھ ساتھ خود ہمارا حال بلکہ حالت زار ہمارے سامنے ہے۔ اس ملک کے کروڑوں عوام آج جو کچھ بھگت رہے ہیں اور جانے کب تک بھگتیںگے، یہ سب کچھ انہی بگلابھگت جمہوری تحفوں کا کیا دھرا ہے جو تمام تر مالی و دیگر جرائم ’’ملک و قوم کے وسیع تر مفاد‘‘ میں کرتے ہیں ۔اگر واقعاتی شہادت عینی شہادت پہ بھاری ہوتی ہے تو واقعہ یہ ہے کہ جمہوری قائدین خود تو ترقی کی معراج تک جا پہنچے، ملک قرضوں کے پاتال میں اتر گیا اور عوام جانے کب تک کیلئے روٹی کے طواف میں جت گئے۔(کالم نگار کے نام کیساتھ ایس ایم ایس اور واٹس ایپ رائےدیں 00923004647998) 

’’چاچو‘‘ ٹرمپ، بھتیجی میری ٹرمپ اور جمہوریت مبارک ہو

سنا ہے سوشل میڈیا پر محمد بن قاسم اور راجہ داہر کے درمیان ’’میچ‘‘ جاری کہ دونوں میں سے ’’ہیرو‘‘ کون ہے اور ’’ولن‘‘ کون؟ دوسری طرف بے چارے ارطغرل کو بھی فٹ بال بنایا جا رہا ہے۔ سندھ سے اک بی بی کا کہنا ہے کہ مقامی ہیروز کو اہمیت دی جانی چاہیے، جس کا ایک مطلب یہ نکلتا ہے کہ بھٹو، نواز شریف، بے نظیر، آصف زرداری وغیرہ پر ڈرامہ سیریلز بننے چاہئیں، تو انہیں کون سمجھائے کہ جب ’’ڈرامہ‘‘ کا لفظ استعمال ہو تو اس کا مطلب ہی مبالغہ کی انتہا اور ڈرامہ کی ضرورتوں کے مطابق حقائق کو مسخ کرنا ہوتا ہے۔ اگلی بات یہ کہ عمر مختار سے لے کر ٹیپو سلطان تک ’’شاہین‘‘ سے لے کر ’’حیدر علی‘‘ تک بے شمار مقامی و غیر مقامی ہیروز تک پر بننے والی فلموں اور ڈراموں نے کون سی توپ چلا لی تھی جو اب چل جائے گی۔ اور تو اور صلاح الدین ایوبی، تیمور لنگ جیسے فاتحین پر بننے والی اعلیٰ ترین فلمیں بھی ماضی پرستی میں تھوڑے بہت اضافہ کے علاوہ اور کیا دے گئیں؟ بنیادی بات ’’انٹرٹینمنٹ‘‘ اور ’’کمرشل ایکٹویٹی‘‘ کی ہے۔مقبول ترین نعتوں میں سے ایک ہے’’شاہ مدینہ، شاہ مدینہ، یثرب کے والی سارے نبی تیرے در کے سوالی‘‘یہ ایک بہت پرانی فلم کے لئے لکھی گئی جس کا نام ہی ’’نور اسلام‘‘ تھا۔ اس کے ہیرو درپن مرحوم اور ہیروئین سورن لتا مرحومہ تھیں جبکہ اصل بات یہ کہ اس کے پروڈیوسر اک مشہور ہندو ڈسٹری بیوٹر اور فلم پروڈیوسر تھے۔ مختصراً یہ کہ ایسے وینچرز کا ’’نشاۃ ثانیہ‘‘ وغیرہ سے کوئی تعلق نہیں ہوتا، ورنہ جتنی فلمیں رومن گلوری پر بنیں، روم آج پھر سے سپر پاور ہوتا لیکن تاریخ سرگوشیوں میں ہمیں بتاتی ہے کہ:’’جتھے گئیاں بیڑیاں اودھر گئے ملاح‘‘پدرم سلطان بود سے سلطانی نہیں حیرانی کے سوا کچھ نہیں ملتا۔رہ گئے ہیرو اور ولن تو اللہ سے لے کر اس کی مخلوق تک کسی کا ہیرو کسی کا ولن اور کس کا ولن کسی کا ہیرو ہوتا ہے۔ اللہ پاک نے ابلیس کو جو ڈھیل دی اس کے نتیجہ میں اللہ کے ہیروز اور، ابلیس کے ہیروز اور-- رحمٰن کے لاڈلے چہیتے پسندیدہ اور، شیطان کے فیورٹ اور-- یہی سلسلہ روزِ قیامت تک جاری رہے گا۔کئی سال پہلے میں اس وقت سوچ میں پڑ گیا جب میں نے اپنے اخباروں میں پڑھا کہ پاکستان کے وزیراعظم نے بنگلہ دیش کے سرکاری دورے کے دوران بنگلہ دیش کی ’’جنگ آزادی‘‘ کے ’’ہیروز‘‘ کی قبرو ں پر پھولوں کی چادریں چڑھا کر انہیں خراج تحسین و عقیدت پیش کیا۔ ابھی کل کی بات ہے جب طویل ایران عراق جنگ میں دونوں مسلمان ملکوں کے اپنے اپنے ہیروز تھے اور صدیوں پیچھے بنو امیہ کی ملوکیت اور پھر اس کے بعد بنو عباس کی آمد اور قبروں کی بے حرمتی کو بھول کر آج دیکھ لو، مڈل ایسٹ میں کیا ہو رہا ہے اور جب ’’ارطغرل غازی‘‘ کے وارثوں میں سے ایک بایزید یلدرم سے تیموری طوفان ٹکرایا تو آگ اور خون کے اس سونامی کے ہیرو کون تھے؟ ولن کون تھے؟ میں تو آج تک فیصلہ نہیں کر سکا۔ کوئی نابغہ مجھے سمجھا سکے تو اس کا شکریہ ادا کروں گا۔ پانی پت ہمارے بالکل ہی پڑوس میں ہے اور میں نے خود وہ مقام دیکھا جس میں ایک طرف ظہیر الدین بابر تو دوسری طرف تہجد گزار ابراہیم لودھی تھا۔ بابر مجھے بہت پسند ہے لیکن نہ میں جانتا ہوں نہ جاننا چاہتا ہوں کہ اس معرکہ کا ہیرو کون تھا؟ ولن کون تھا؟ رہ گیا ’’فاتح‘‘ تو کچھ مورخ فتح کا فیصلہ یوں لکھتے ہیں کہ دلیری میں ابراہیم لودھی بھی بے مثال تھا جس نے میدان جنگ میں لڑتے ہوئے جان دے دی لیکن بابر کا ’’توپ خانہ‘‘ جیت گیا یعنی ’’فتح‘‘ تب بھی ٹیکنالوجی کی ہوئی تھی۔ تاریخ میں ’’فتح‘‘ عموماً ’’ٹیکنالوجی‘‘ کی ہی ہوتی ہے۔ سنجیدہ مورخ متفق ہیں کہ پیدل جنگجوئوں پر وہ لوگ غالب آئے جنہوں نے پہلی بار گھوڑے کو ’’وار مشین‘‘ کے طور پر استعمال کیا۔ پھر پانسہ ان کے حق میں الٹ گیا جنہوں نے گھوڑے کو لگام ڈال کر اس ’’زندہ مشین‘‘ یعنی گھوڑے کی کارکردگی میں کئی گنا اضافہ کر لیا تھا۔ مختصراً یہ کہ فلمیں ڈرامے پولیو کے شکار ناظرین میں وقتی ہیجان، جوش و خروش تو پیدا کرتے ہیں لیکن بالآخر پولیو زدہ یہ ’’ہیروز‘‘ مٹھیاں بھینچتے بھینچتے دودھ میں پانی کی ملاوٹ کرنے پر ہی اکتفا کرتے ہیں یا کسی چور کو ووٹ دیتے پائے جاتے ہیں۔کسی سیانے نے کہا تھا کہ ’’مجھے اس بات کی قطعاً کوئی پروا نہیں کہ میرا دادا اور پڑدادا کیا کرتے رہے۔ میرا اصل مسئلہ یہ ہے کہ میرے پڑدادا کا پڑپوتا اور میرے دادا کا پوتا یعنی میں کم بخت کیا جھک مار رہا ہوں‘‘۔ماضی کے قیدیوں کا کوئی مستقبل نہیں ہوتا۔سو بہتر ہے فلموں، ڈراموں، ناولوں کی ہیروئن پینے اور افیون چاٹنے کے بجائے ’’حاضر سروس‘‘ ہیروز پیدا کرنے کاسوچا جائے اور یاد رکھا جائے کہ یہ ہیروز سڑے بسے سیاستدان یا جنگجو نہیں-- صرف اور صرف سائنس اور ٹیکنالوجی کے میدانوں کے شہسوار ہوں گے اور ایسے ہی بنجر موسموں کے لئے ہمیں سمجھایا گیا تھا کہ...’’علم تمہاری کھوئی ہوئی میراث ہے‘‘۔(کالم نگار کے نام کے ساتھ ایس ایم ایس اور واٹس ایپ رائے دیں 00923004647998)

 یہ فلم 50کی دہائی میں ریلیز ہوئی جب پاکستان کو معرض وجود میں آئے چند ہی برس بیتے تھے اور لوگوں کے زخموں سے ابھی لہو رسنا بند نہیں ہوا تھا۔ میں نے یہ فلم 60کی دہائی میں دیکھی جب سکول کی ابتدائی جماعتوں میں تھا۔ تبھی یہ بھی معلوم ہوا کہ فلم بلاک بسٹر تھی جسے ہندوستان میں بھی بے تحاشا پذیرائی ملی۔ اس فلم نے کم سنی میں بھی مجھے جکڑ لیا تھا اور اس کے چند مناظر آج تک مجھے بری طرح ہانٹ کرتے ہیں۔ کبھی ان مناظر کا خیال آ جائے تو ان کی اذیت سے بچنے کی شعوری کوشش کرتا ہوں۔ محاورتاً نہیں حقیقتاً سر جھٹکتا اور خود کو کسی اور طرف متوجہ، مصروف کرنے کی کوشش کرتا ہوں۔ اس شہکار فلم کا نام تھا ’’کرتار سنگھ‘‘ جسے اک خوبصورت شاعر اور جینئس سیف الدین الدین مرحوم نے ’’پروڈیوس‘‘ ہی نہیں ’’تخلیق‘‘ بھی کیا تھا۔ سیف صاحب کی ’’کرتار سنگھ‘‘ میں ٹائٹل رول علاء الدین نے امر کر دیا۔ سدہیر صاحب ہیرو، مسرت نذیر ہیروئین تھیں۔ ظریف مرحوم نے ’’حکیم جی‘‘ کا کردار زندہ کر دیا تھا۔ اس پنجابی فلم کے تمام گیت ہی لازوال ہیں۔ وہ چند مناظر جو آج بھی لہو نچوڑ لیتے ہیں، ان میں سے ایک تھا کہ فسادات میں مسلمان لڑکی پیچھے رہ جاتی ہے تو محلے کا ایک بزرگ سکھ جرنیل سنگھ اس کے سر پر ہاتھ رکھتا ہے۔ اک شام اس کا اوباش بیٹا جو کرتار سنگھ (ولن) کا دوست ہوتا اور اس لڑکی کے بھائی عمر دین کا دشمن ہوتا ہے ’’کرتارے‘‘ کے اکسانے پر نشے میں دھت اس لڑکی کے ساتھ دست درازی کی کوشش کرتا ہے تو باپ یعنی جرنیل سنگھ اپنے سگے بیٹے پر بندوق تان لیتا ہے۔ بیٹا ہاتھ جوڑ کر معافی مانگتا ہے تو سرتا پا غیظ و غضب جرنیل سنگھ گرجتے ہوئے کہتا ہے...’’تجھے باعزت طریقے سے مردوں کی طرح جینا نہیں آیا تو مردوں کی طرح مرنا ہی سیکھ لے‘‘۔ اور گولیاں مار کے سگے بیٹے کو موت کے گھاٹ اتار کے ’’بیٹی‘‘ کے سر پر دوپٹہ ڈال کر بیٹے کی لاش پر رونے بیٹھ جاتا ہے اور بعد ازاں جب اسی مسلمان بیٹی کو پاکستان بھیجنے کے لئے فوجیوں کے حوالے کرتا ہے تو کہتا ہے...’’میری اس بیٹی کو دھیان سے اس کے بھائی کے پاس پہنچاتے ہوئے یاد رکھنا یہ بیٹی مجھے بیٹے کے بھائو پڑی ہے‘‘۔یہی نہیں بلکہ اس لڑکی کے بھائی عمر دین کے نام ایک رقعہ بھی لکھتا ہے کہ ’’جو داغ اس بچی کے ماتھے پر لگ سکتا تھا وہ لگنے سے پہلے میں نے اسے اپنے بیٹے کے خون سے دھو دیا تھا‘‘قارئین!اتنے برس بعد یہ سب لکھتے ہوئے بھی مرے ہاتھ کانپ رہے ہیں۔ میں نے تو جملوں کا اردو ترجمہ کرکے شاید کچھ بے انصافی کردی ہو۔ فلم سی ڈی وغیرہ کی شکل میں موجود ہے، خود دیکھ لیں اور اگر آنسو نہ رکیں تو مجھےدوش نہ دیں۔ ہو سکے تو بچوں، جوانوں کو بھی دکھائیں تاکہ انہیں اندازہ ہوکہ اس ملک کو معرض وجود میں لانے کے لئے کتنے وجود برباد کرنا پڑے۔اس سب کو تمہید سمجھیں۔ اس فلم کا جو منظر مجھے سب سے زیادہ بے چین کرتا ہے، ابھی باقی ہے اور دراصل یہی منظر میرے آج کے کالم کا موضوع ہے۔عزتیں، اثاثے، گھر بار، پُرکھوں کی قبریں ہار کر لٹے پٹے، تھکے ہارے زخموں سے چور ’’پاکستانیوں‘‘ کا بھوکا ننگا نیم مردہ سا قافلہ جب پاک و ہند بارڈر پر پہنچ کر پاکستان کی حدود میں داخل ہوتا ہے، لوگ سجدہ میں گر جاتے ہیں تو قافلہ میں شامل اک درویش کی آواز اوور لیپ کرتی ہے۔’’اج مک گئی اے غماں والی شام‘‘’’تینوں ساڈا پہلا سلام‘‘اپنی دھرتی کو پہلا خون آلود پُرجوش سلام پیش کرنے والے ان لوگوں کے غموں کی شام واقعی ’’مک‘‘ گئی یعنی ختم ہوگئی یا ان کی پانچویں، چھٹی، ساتویں نسل تک یہ بھیانک شام مستقل ان کا تعاقب کر رہی ہے؟ میرا سوال بہت سادہ ہے اور مجھے جواب بھی سادہ ہی چاہیے جو ہر قسم کی موشگافیوں اور چرب زبانیوں سے پاک ہو۔ سوال اس ’’اقلیت‘‘ کے حوالہ سے ہرگز نہیں جنہیں وہ ’’غماں والی شام‘‘ راس آئی اور بہت ہی راس آئی۔ میرا سوال اس بھاری اکثریت کے حوالے سے ہے جو آج بھی زخم در زخم سر تا پا سوال ہے۔ ہر وہ شخص جس کا پورا وجود ’’ دست ِ سوال‘‘ میں تبدیل ہو چکا، وہی میرا موضوع ہے۔’’دست ِ سوال‘‘ سے بھی کچھ آگے نکل کر سوچتا ہوں کہ ’’سوال‘‘ کیا ہے؟ بہتّر سال بعد بھی سوال کیا ہے؟ کوئی چاند سورج یا سونا چاندی مانگ رہے ہیں؟ نہیں-- سوال ہے چند دنوں کے لئے راشن کے ایک چھوٹے سے تھیلے کا-- سوال ہے چند ہفتوں کے لئے چند ہزار روپوں کا کہ پیٹ کی آگ بجھا سکیں۔ اتنے عشروں بعد بھی اس قابل نہ ہو سکے کہ اس لٹے ہوئے قافلے والوں کی نسلیں چند ہفتے ہی گھر پہ بیٹھ کر روکھی سوکھی کھا سکیں۔یہ ہے ہماری اصل کل کمائی حضور! تف ہے ایسی اشرافیہ پر جسے اپنے ہی عرق ندامت میں ڈوب مرنا چاہیے لیکن نہیں، کیونکہ یہ ڈوب مرنے کے لئے بھی دریائے ٹیمز، دریائے سین یا دریائے ہڈسن کا انتخاب کریں گے اور زوال کا کمال دیکھو کہ سوشل میڈیا پر یہ بحث جاری ہے کہ وزیراعظم اور اس کی کابینہ پاور سیکٹر کے ملزمان کو کٹہرے میں لا سکے گی یا نہیں؟ہائے یہ غماں والی شام جو ختم ہونے کا نام ہی نہیں لے رہی۔(کالم نگار کے نام کیساتھ ایس ایم ایس اور واٹس ایپ رائے دیں 00923004647998) ) 

غماں والی شام ختم ہونے کا نام نہیں لیتی

بہت پرانی بات ہے شاید یونیورسٹی کے دنوں کی۔ میرے ہاتھ میں ایک کمیاب سی کتاب تھی ’’FAMOUS LAST WORDS‘‘ خوب صورت شاعر شعیب بن عزیز نے عنوان دیکھا تو کتاب مانگ لی۔ میں پڑھ چکا تھا، انکار نہ کر سکا۔ شعیب بن عزیز ہمیشہ ہمیشہ کے لئے وہ کتاب ’’پی‘‘ گیا کیونکہ چیل کے گھونسلے میں گیا ماس تو ’’نیب‘‘ بھی برآمد نہیں کر سکتا۔ میں طبعاً کسی کو بھی انکار نہیں کر سکتا لیکن اس ’’حادثہ‘‘ کے بعد میں نے کتاب کے معاملہ میں انکار کرنا سیکھ لیا کیونکہ کتاب ہم جیسوں کا پیار بھی ہے، سنگھار بھی ہے، اوزار بھی ہے، ہتھیار بھی ہے اور خاندانی روایت بھی کہ باپ، دادا کی لائبریریوں میں پروان چڑھے۔ جہاں تک تعلق ہے ’’انکار‘‘ کا تو ’’جرأتِ انکار‘‘ سے میں بہت آگاہ ہوں لیکن روٹین لائف میں انکار میرے بس میں نہیں چاہے اپنا نقصان ہو جائے کیونکہ میرا تعلق عدیم ہاشمی جیسوں کے قبیلے سے ہے جس نے کہا تھا ؎اس نے مانگا بھی تو کیا، ہم سے جدائی مانگی ایک ہم تھے، ہمیں انکار نہ کرنا آیاعدیم کے اس شعر کے جواب میں کبھی میں نے اسے اپنا یہ شعر سنایا تھا:مکرنا چاہوں تو اپنے سے شرم آئے مجھےمیں چاہتا ہوں کہ تو خود ہی چھوڑ جائے مجھےباٹم لائن اس تمہید کی یہ کہ کتاب کے معاملے میں صاف انکار میں نے شعیب بن عزیز کی ’’کتاب خوری‘‘ سے سیکھا اور اس نتیجہ پر پہنچا کہ جو کسی کو کتاب ادھار دے وہ بیوقوف ہے اور جو کتاب لے کر واپس کر دے وہ مہا بیوقوف ہے۔یہ سب کچھ اس لئے یاد آیا کہ آج میں اپنے قارئین کے ساتھ کچھ بڑے لوگوں کے آخری کلمات، الوداعی کلمات شیئر کرنا چاہتا ہوں جو کم از کم میرے لئے بہت ہی انوکھا تجربہ تھا۔کینز کو کون نہیں جانتا، خصوصاً وہ لوگ جنہوں نے اکنامکس پڑھی ہو۔ پورا نام JOHN MAYNARD KEYNES۔ ممتاز ترین برطانوی ماہر ین اقتصادیات میں سے ایک، جس کی تھیوریز نے ویلفیئر سٹیٹس کے قیام میں کمال کردار ادا کیا۔ ان کی چند سرگرمیاں ایسی بھی تھیں جن کا ذکر اس کالم میں مناسب نہیں۔ بسترِ مرگ پر KEYNES کا الوداعی جملہ یہ تھا۔"I WISH I HAD DRUNK MORE CHAMPAGNE"مینلو پارک (MENLO PARK) کے ان پڑھ عظیم جادوگر اور بنی نوع انسان کے محسن، حیران کن موجد تھامس ایڈیسن کو بھلا کون نہیں جانتا۔ اس جینئس کی ایجادات کا ذکر کرنے بیٹھوں تو ایک کالم کیا کتابیں لکھنا پڑیں گی۔ بس یوں سمجھ لیں کہ دنیا کے ہر ’’بلب‘‘ میں THOMAS EDISON روشن ہے اور روزِقیامت تک روشن رہے گا۔ اس دوریش صفت موجد نے مرتے ہوئے کہا:"IT IS VERY BEAUTIFUL OVER THERE."میں اکثرسوچتا ہوں کہ شاید انسانوں کی بہتری اور بھلائی کے لئے کام کرنے والا ہر شخص زندگی کے آخری لمحات میں ایسے ہی محسوس کرتا ہوگا۔شاعر، بہت کچھ دریافت کرنے والا اور کبھی کبھی بحری قذاقی سے بھی لطف اندوز ہونے والا سرپھرا سر والٹر ریلے (SIR WALTER RALEIGH) جس نے کہا تھا:"THIS IS A SHARP MEDICINE, BUT A SURE REMEDY FOR ALL EVILS."سزائے موت پر تیز دھار آلۂ قتل دیکھ کر یہ جملہ والٹر ریلے ہی بول سکتا تھا۔برطانیہ کی پہلی دولت مند خاتون ممبر ’’ہائوس آف کامن‘‘ LADY ASTORنے بسترِ مرگ پر خود کو عزیز و اقارب کے درمیان گھرا ہوا دیکھ کر کہا تھا..."AM I DYING OR IS THIS MY BIRTHDAY?"تب اس دلیر خاتون کی عمر 85سال تھی اور حس مزاح کا اندازہ آپ خود اس کے اس الوداعی جملے سے لگا سکتے ہیں کہ کیسی طرحدار بڑھیا ہوگی۔سگمنڈ فرائیڈ کے کام بلکہ کاموں بلکہ کارناموں سے کوئی واقف ہو نہ ہو لیکن اس نابغۂ روزگار شخصیت کے نام سے ہر پڑھا لکھا شخص بخوبی واقف ہے۔ اس نے زندگی کے آخری پندرہ سال خاصی اذیت میں گزارے۔ وہ جبڑے کے کینسر میں مبتلا تھا۔ 83سالہ سگمنڈ فرائیڈ کو تکلیف سے نجات کے لئے مارفین کی بہت ہی ہیوی قسم کی ڈوز دی گئی جس کے نتیجہ میں اگلے روز پُرسکون فرائیڈ اگلے جہان رخصت ہو گیا، اس رخصتی سے پہلے اس نے اپنے معالج سے آخری بار یہ کہا تھا:"YOU PROMISED ME THAT YOU WOULD HELP ME WHEN I COULD NO LONGER CARRY ON. IT IS ONLY TORTURE NOW AND IT MAKES NO SENSE ANYMORE."ماتا ہری (MAT HARI) نے تو کمال کر دیا۔ بسترِ مرگ سے کیا پیغام دیا۔DEATH IS NOTHING,NOR LIFE EITHER,FOR THAT MATTERTO DIE, TO SLEEP,TO PASS INTONO THINGNESS,WHAT DOESIT MATTER?EVERY THING ISAN ILLUSION."زندگی اک خواب ہے جو خواب میں دیکھا گیا۔(کالم نگار کے نام کیساتھ ایس ایم ایس اور واٹس ایپ رائے دیں 00923004647998)

لکھنا تو بالکل ہی کچھ اور تھا لیکن چند اخباری اطلاعات نے ارادہ اور کالم کا رخ تبدیل کر دیا۔ سب سے پہلے تو نئے نکور وزیر اطلاعات کا یہ بیان کہ عوام کی مدد کے بغیر کورونا کا مقابلہ ممکن نہیں ہوگا۔ بلاشبہ یہ ایک سو فیصد درست لیکن سو فیصد ادھورا سٹیٹمنٹ ہے کیونکہ کورونا کیا، انسانی تاریخ کی کوئی حکومت عوام کی مدد کے بغیر کسی شعبہ یا میدان میں کبھی کچھ نہیں کر سکی اور نہ آئندہ کر سکے گی۔ اسی لئے دنیا کی ہر قابل ذکر قیادت نے سب سے پہلے ’’نیشن بلڈنگ‘‘ پر فوکس کیا جسے میں مدتوں سے ’’انسان سازی‘‘ لکھ رہا ہوں کیونکہ آدمیوں کو انسان بنائے بغیر کوئی حکومت کوئی ہدف حاصل نہیں کر سکتی۔ کوئی کامیابی مل بھی جائے تو وہ جعلی، مصنوعی، وقتی اور عارضی ہو گی۔ ’’انسان سازی‘‘ کا عمل بیحد پیچیدہ، صبر آزما، مشکل اور طویل ہوتا ہے۔ سب سے اہم بات یہ کہ اس میں کوئی ’’شارٹ کٹ‘‘ بھی نہیں ہوتا۔ یہ تقریروں، بھاشنوں اور ہتھیلی پہ سرسوں اگانے والے سطحی، اتھلے، عجلت پسندوں کا کام نہیں۔ انگریزی کے ایک لاجواب محاورے کا ترجمہ کچھ یوں ہوگا کہ- ’’ایک جھاڑی کے پیدا ہونے اور پروان چڑھنے، جوان ہونے کے لئے صرف ایک موسمِ برسات کافی ہوتا ہے جبکہ شاہ بلوط جیسے درخت کی جوانی کیلئے کم از کم ایک سو برساتوں کے برابر مدت درکار ہوتی ہے‘‘۔ ہمارا المیہ یہ کہ ہماری نام نہاد قیادتیں فکری طور پر اس قدر دیوالیہ ہوتی ہیں کہ اس طرح کے محاوروں کو سمجھنے کی استطاعت سے بھی محروم ہوتی ہیں۔ انہیں راتوں رات کوئی نہ کوئی جگاڑ لگانے اور ’’چمتکار‘‘ دکھانے کا جنون ہوتا ہے جس کے نتیجہ میں انہیں نہ خدا ملتا ہے نہ وصال صنم نصیب ہوتا ہے۔ اور یوں ایسی قیادتیں چند سال چند کرتب دکھا کر تاریخ کی دھول میں تبدیل ہو جاتی ہیں۔دنیا کی عظیم ترین محیر العقول ترین قیادت ہمارے آقاﷺ کی تھی۔ صرف اور صرف 23سال کے مختصر سے عرصہ میں کیسا ناقابل یقین معجزوں کا معجزہ ہے کہ آپؐ نے کم مایہ ترین ذروں کو آفتابوں، ماہتابوں میں تبدیل کر دیا۔ کوئی مسلمان یہ بات کرے تو سمجھ آتی ہے لیکن غور فرمائیے پروفیسر فلپ ہٹی (P. K. HITTI) جیسا عالی دماغ مسیحی مفکر اپنی شہرہ آفاق اور مقبول کتاب ’’HISTORY OF ARABS‘‘ میں کی لکھتا ہے:’’پیغمبر اسلامؐ کی وفات کے بعد ایسا محسوس ہوا جیسے عرب کی بنجر زمین جادو کے ذریعہ عظیم ہیروز کی نرسری میں تبدیل ہو گئی ہو کہ اتنی زیادہ تعداد میں اور اتنی بے شمار خصوصیات کی حامل شخصیات کا کہیں بھی پایا جانا ناممکن سی بات ہے‘‘۔سبحان اللہ! کاش پروفیسر فلپ اس حقیقت کا حوالہ بھی دے دیتے کہ اس وقت مکہ اور مدینہ کی آبادیاں کروڑوں، لاکھوں میں نہیں صرف ہزاروں میں تھی۔ ہے انسانی تاریخ میں کوئی ایک لیڈر بھی جس نے ایک دو پائے کے لیڈرز بھی پیدا کیے ہوں؟’’ریاست مدینہ‘‘ کا خواب تو بہت ہی خوب صورت ہے لیکن اس کی تعبیر بلکہ تعبیر کا عکس پانے کے لئے بھی طبیعتوں سے لے کر ترجیحات تک بہت کچھ تبدیل کرنا ہوگا جبکہ ادھر کیا گھڑمس ہے؟ ایک طرف کورونا، دوسری طرف کریکس کی ماری لرزاں و ترساں معیشت، تیسری طرف بھارتی پاگل پن کا پاکستان پر حملے کے بہانے ڈھونڈنا کہ خود وزیراعظم کا کہنا ہے کہ بھارت کی پاکستان پر الزام تراشی اور کنٹرول لائن پر فائرنگ بھی اسی مقصد کے لئے ہے اور چوتھی طرف- حکومت اور اپوزیشن تو چھوڑیں، حکومت کے اپنے اتحادی شجاعت حسین اور پرویز الٰہی ’’نیب‘‘ کے خلاف ہائی کورٹ سے رجوع کرتے ہوئے حکومت سے علیحدگی کی دھمکی دینے اور یہ کہنے پر مجبور ہیں کہ- ’’تحقیقات کے غلط انداز پر عدالتی فیصلے بھی آ چکے اور انہیں 19سال پرانی بند کی جانے والی انکوائری کھولنے کا اختیار نہیں۔ چودھری برادران نے کوئی قرضہ معاف نہیں کرایا۔ 17سال تک اثاثہ جات کی نام نہاد انکوائری چلتی رہی۔ 2000ء میں ہمارے یعنی چودھری برادران کے گھروں پر چھاپے تک مارے گئے۔ نیب شجاعت کے گھر کی پیمائش تک کرتا رہا۔ کبھی کوئی ملکی غیر ملکی اثاثہ سامنے نہیں آیا۔ آج تک کسی ایسے بینک تک کا نام تک نہیں بتایا گیا جس کے ہم لوگ ڈیفالٹر ہوں نہ کبھی کسی بینک کا کوئی کلیم سامنے آیا۔ ایسے میں اسے انتقام نہیں تو اور کیا کہیں گے‘‘۔معاملہ ہائی کورٹ میں اور ایک پنجابی محاورے کے مطابق ’’جٹ جانے تے بجو جانے‘‘ میں تو صرف یہ سوچ رہا ہوں کہ ہمارے باہر کیا ہو رہا ہے بلکہ کیا کچھ ہو رہا ہے اور ہم نے اندر کیسا کیسا ادھم مچا رکھا ہے؟حکومت کا رخ مشرق کی طرف اپوزیشن کا رخ مغرب کی طرف اتحادیوں کا رخ شمال کی طرف عوام کا رخ مہنگائی کرنے اور سہنے کی طرف کورونا کا رخ ہر طرف معیشت کا رخ پاتال کی طرف ایسے حالات میں رہ رہ کر اس وقت کا بغداد یاد آتا ہے جو بے رحم تاتاریوں کی ننگی تلواروں کی زد میں تھا اور وہاں کے مختلف اقسام کے ’’قائدین‘‘ سے لے کر عوام تک عجیب و غریب سوالوں کے جواب تلاش کر تے کرتے بالآخر خود خواب بن کے رہ گئے۔(کالم نگار کے نام کیساتھ ایس ایم ایس اور واٹس ایپ رائےدیں00923004647998)

ہمارے باہر اور اندر کیا ہو رہا ہے؟

Hassan Nisar: مریم نواز کا کپتان پر شرمناک الزام! فواد چوہدری،زرتاج گل، ملیکہ بخاری کی جوابی کارروائی!حسن نثار

Hassan Nisar: ذولفی بخاری سرخرو!ریحام خان کے الزامات جھوٹے نکلے!حسن نثار نے  لتاڑ کر رکھ دیا

Hassan Nisar: نور مقدم کیس: ظاہر جعفر نے کس طرح بے دردی سے قتل کیا؟حسن نثار کا تہلکہ خیز تجزیہ ضرور سنیئے

Hassan Nisar: مریم نواز کے عمران حکومت کیخلاف بلند و بانک دعوے!حسن نثار نے سب کچھ کھول کر رکھ دیا

Hassan Nisar: اگرعمران حکومت چلی گئی تو ”ایم کیو ایم“واحد جماعت ہے جو پاکستان کو چلا سکتی ہے!حسن نثار

Hassan Nisar: عمران خان کا آخری سانس تک ساتھ دوں گا۔۔۔ن لیگ اور پیپلز پارٹی کاجھنڈا کبھی نہیں اٹھاؤں گا۔۔ حسن نثار

Hassan Nisar: آئی ایم ایف کی دھمکیاں ؟پٹرول سمیت دیگر اشیا کی قیمتوں میں بے پناہ اضافہ۔۔۔حسن نثار میدان میں آگئے

Hassan Nisar: ڈی جی آئی ایس آئی کی تعیناتی مسائل کا شکار!ن لیگ کی خاموشی کس بات کا ثبوت؟حسن نثارکا تہلکہ خیز تجزیہ

Hassan Nisar: معروف شاعر اجمل نیازی کی طبیعت ناساز،حسن نثار کا پیغام

Hassan Nisar: ڈاکٹر عبدالقدیر امریکہ اور اسرائیل کیلئے خطرہ کیوں تھے؟یہودیوں  کی کامیابی کےراز بتاتے ہوئے حسن نثار

Hassan Nisar: محترمہ فاطمہ جناح کے استعمال میں رہنے والی عمارت میں ناچ گانےکے پروگرامز!حسن نثار بھی میدان میں آگئے

Hassan Nisar: سابق ڈی جی آئی ایس آئی جنرل حمید گل اور حسن نثار کی شناسائی کیسی تھی؟جانیئے انہی کی زبانی

Hassan Nisar: مریم نواز کے عمران خان پر سنگین الزامات،حسن نثار نے لاڈو رانی کو لتاڑ کر ررکھ دیا

Hassan Nisar: صحافیوں کی عمران خان پر تنقید!حسن نثار میدان میں آگئے!نام نہاد تجزیہ کاروں کی چھترول کردی

Hassan Nisar: ریمبو کی کہانی نے عائشہ کو برباد کردیا،عمران خان کا دشمنوں کوکرارا جواب۔۔حسن نثار کا خصوصی تجزیہ

Hassan Nisar: چائنہ سے ایسی خبر جو عوام کے دلوں کو چیر کر نکل جائے،حسن نثار کی بڑی بریکنگ نیوز

Hassan Nisar: بی بی سی کی رپورٹ نے تہلکہ مچا دیا،حسن نثار کا تازہ ترین موقف آگیا

Hassan Nisar: مُٹھی بھر یہودی کس طرح دنیا کو اپنے اشاروں پر نچا رہے ہیں؟حسن نثار کا تہلکہ خیز تجزیہ

Hassan Nisar: ڈی جی آئی ایس آئی کی تعیناتی!نواز شریف کے الزامات پر حسن نثار نے ن لیگ کو لتاڑ کر رکھ دیا

Hassan Nisar: عمران خان کی دبنگ کارروائی!امریکہ کے سارے ہتھکنڈے ناکام ہوگئے۔۔۔حسن نثار سے سر بلند کرنیوالی پیشگوئی

Hassan Nisar: بات حد سے بڑھ گئی۔۔ عمران خان نے اب تک کی سب سے بڑی غلطی کردی۔۔۔حسن نثار کا بے لاگ تجزیہ

Hassan Nisar React to Chal Mera Putt 3 || حسن نثار کا پاک بھارت کی مشترکہ فلم پر زبردست تجزیہ

Hassan Nisar: پی ٹی آئی اور عمران خان میں کون سی خامیاں موجود ہیں؟حسن نثار نےمختصر جواب دیتے ہوئے بڑا سبق سکھا دیا

Hassan Nisar: عمران خان کا منہ توڑ جواب۔۔۔۔امریکہ کو شرمناک شکست کا سامنا!حسن نثارنے بڑی بریکنگ نیوز دیدی

Hassan Nisar: پہلے قائد اعظم اور پھرڈاکٹر عبدالقدیر کے ساتھ پاکستانیوں نے کس طرح زیادتی کی؟حسن نثارکے  انکشافات

Hassan Nisar: ریمبو نے عائشہ کو کہیں کا نہ چھوڑا۔۔۔عائشہ اکرم کے تمام شرمناک جھوٹ بے نقاب۔حسن نثار کا  تجزیہ آگیا

Hassan Nisar: چین نے دنیا کو حیران کردیا، پاکستان جلد ترقی کریگا!حسن نثار نے عوام کو ریلیف کی خبر دیدی

Hassan Nisar: ڈاکٹر عبدالقدیر خان نے کس طرح پاکستان کی جنگ لڑی اور نسلوں کامستقبل روشن کیا؟حسن نثارکا  جذباتی بیان

Hassan Nisar: ریمبو کو کیوں پھنسایا؟عائشہ اکرم کی نازیبا ویڈیوزاور آڈیو ٹیپ کامعاملہ! حسن نثار کا تجزیہ

Hassan Nisar: وفات سے قبل ڈاکٹر عبدالقدیر خان نے حسن نثار کو خط کے ذریعے کیا پیغام دیا تھا؟جانیئے انہی کی زبانی

Hassan Nisar: تمام جھوٹ بے نقاب!2021نے شریفوں اور زر والوں  کو جھنجوڑ کر دکھ دیا۔۔حسن نثار نے برسوں کا انتظار ختم

Hassan Nisar: کپتان کا شاندار باؤنسر۔۔۔تحریک انصاف اگلے پانچ سال بھی اقتدار میں رہے گی!حسن نثار نے خوشخبری سنا دی

Hassan Nisar: ڈاکٹر عبدالقدیر خان انتقال کر گئے۔۔۔۔حسن نثار خاموش نہ رہ سکے

Hassan Nisar: تیر کمان سے نکل گیا! نواز اینڈ کمپنی کی کرپشن کے منہ بولتے ثبوت!حسن نثار کا تہلکہ خیز تجزیہ

Hassan Nisar: اپوزیشن کی الٹی گنتی شروع!حکومت اور آرمی مل کر کیا کرنے والے ہیں؟حسن نثار کا شاندار تجزیہ

Hassan Nisar: کپتان نے کرپشن کی جڑیں کاٹ دیں! نیب چیئر مین کی توسیع کے پیچھے کیا سازش ہے؟حسن نثار نے بتا دیا

Hassan Nisar: تحریک انصاف اکیلی پاکستان پر راج کریگی! کپتان نے ٹی ٹی پی سے ہاتھ کیوں ملایا؟حسن نثار کا سیاسی تجزیہ

Hassan Nisar: قانون کے رکھوالے بے قابو۔۔۔ وکیل نے عدالتی دفتر توڑ پھوڑ دیا۔۔۔۔حسن نثار برس پڑے

Hassan Nisar: چین بھارت لڑائی۔۔۔۔۔کشمیر کی آذادی متوقع؟حسن نثار نے سب بے نقاب کردیا

Hassan Nisar: پاکستان اور چائنہ کا بڑا سرپرائز! حسن نثار نے اچھے دنوں کی پیشگوئی کردی

Hassan Nisar: پاک فوج نے جھنڈے گاڑھ دیئے!نئے ڈی جی آئی ایس آئی کی تعیناتی پر دشمنوں کی سانسیں خشک۔۔۔حسن نثار

Hassan Nisar: باپ بیٹے نے سیاست میں ہلچل مچا دی،حسن نثار نے گواہی دیدی

Hassan Nisar: کپتان کا کڑا فیصلہ۔۔۔اپوزیشن جماعتوں کی بربادی کا وقت شروع!حسن نثارنےمریم،حمزہ،بلاول کو خبردار کردیا

Hassan Nisar: پاکستان کا اچھا وقت شروع!عمران خان نے پوری دنیا میں اپنا لوہا منوا لیا۔۔۔۔حسن نثار نے پیشگوئی کردی

Hassan Nisar: عالم اور علامہ لفظ  ٹی وی پروگرامز پر یہ الفاظ کیوں استعمال نہیں ہونےچاہئیں؟حسن نثار کا  پیغام

Hassan Nisar: عمران خان نے کمال کر دیا۔۔۔پاکستانیوں کیلئے شاندار خوشخبریاں!حسن نثار کا تہلکہ خیز تجزیہ

Hassan Nisar: پاکستان کی چال کامیاب!امریکہ روس کے سامنے جھک گیا!بھارت اکیلا رہ گیا:عالمی رپورٹ۔۔۔حسن نثار کا تجزیہ

Hassan Nisar

Hassan Nisar Latest Talk Shows and Vlogs Videos

Hassan Nisar: پھر مت کہنا کہ بتایا نہیں۔۔۔پوری گیم کپتان کے قبضے میں،ملک میں کیا ہونیوالا ہے؟حسن نثار کی بڑی خبر

Hassan Nisar Latest Talk Shows and Vlogs Videos

Columns